Goditet shtëpia e prostitucionit në Tiranë, arrestohen dy vietnameze

Shqipëria

Goditet shtëpia e prostitucionit në Tiranë, arrestohen dy vietnameze

Më: 2 mars 2026 Në ora: 11:51
Foto ilustrim

Policia e Tiranës ka goditur një tjetër rast të ushtrimit të prostitucionit në ambientet e një shtëpie të marrë me qira, duke vënë në pranga dy shtetase vietnameze.

Gjatë operacionit të koduar “Ilegal chat”, shërbimet e Komisariatit Nr. 2 arrestuan 51-vjeçaren me iniciale Th. A. dhe 33-vjeçaren me iniciale Th. P., të cilat dyshohet se e ushtronin këtë veprimtari kriminale në një apartament në rrugën “Naim Frashëri”.

Hetimet treguan se gratë i siguronin klientët duke komunikuar me persona të ndryshëm përmes rrjeteve sociale, ku linin edhe takimet.

Tashmë materialet i kanë kaluar Prokurorisë së Tiranës, ndërsa po vijon puna për të identifikuar persona të tjerë që mund të jenë përfshirë në këtë rrjet ilegal.

comment Për komente lëvizni më poshtë
Sot mund të lexoni Shfletoni kopertinat