Aksident i rëndë në Fushë-Krujë, humb kontrollin e mjetit dhe përfundon në kanal, vdes 62-vjeçari

Shqipëria

Aksident i rëndë në Fushë-Krujë, humb kontrollin e mjetit dhe përfundon në kanal, vdes 62-vjeçari

Më: 27 gusht 2026 Në ora: 18:14
Fotoilustrim

Një aksident me pasojë vdekjeje ka ndodhur pasditen e kësaj të enjteje në aksin rrugor Fushë-Krujë-Borizanë.

Sipas informacioneve paraprake, automjeti që drejtohej nga shtetasi Vath Leka, 62 vjeç, ka dalë nga rruga dhe është përplasur në oborrin e një banese dhe më pas ka përfunduar në një kanal.

Si pasojë e aksidentit, ka humbur jetën 62-vjeçari, i cili udhëtonte i vetëm në automjet.

Menjëherë pas aksidentit, në vendngjarje kanë mbërritur shërbimet e policisë dhe grupi hetimor, të cilët po punojnë për zbardhjen e plotë të rrethanave dhe shkaqeve të aksidentit.

Njoftimi i policisë:

Krujë/Informacion paraprak

Rreth orës 16:40, në aksin rrugor “Borizanë-Thumanë”, shtetasi V. L., rreth 62 vjeç, dyshohet se ka humbur kontrollin mbi drejtimin e automjetit, i cili ka dalë nga rruga.

Për pasojë, drejtuesi i automjetit ka ndërruar jetë në spital.

Vijon puna nga grupi hetimor, për sqarimin e plotë të rrethanave dhe shkakut të aksidentit.

Sot mund të lexoni Shfletoni kopertinat