Protestuesit vijojnë tubimin para Komisariatit nr. 3, në mbështetje të aktivistëve dhe qytetarëve të arrestuar dy ditë më parë gjatë përplasjeve me policinë te Kryeministria.
Qytetarët kanë shprehur solidaritetin e tyre me personat e ndaluar, duke theksuar se nuk janë vetëm dhe se kanë mbështetjen e protestuesve nga i gjithë vendi.
“Goca, çuna, jemi këtu, gjithë Shqipëria është me ju!”, kanë thirrur protestuesit para ambienteve të komisariatit.
Tubimi vijon në kuadër të protestës antiqeveritare, ndërsa qytetarët kërkojnë lirimin e personave të arrestuar dhe vijojnë thirrjet e tyre në mbështetje të aktivistëve.
