“Dream Academy” ka përmbyllur një tjetër etapë të programit të dedikuar të rinjve, me fokus te zhvillimi personal, edukimi dhe përfshirja sociale.
Projekti mbështetet nga Agjencia e Administrimit të Pasurive të Sekuestruara dhe të Konfiskuara (AAPSK), përmes Fondit të Posaçëm për Parandalimin e Kriminalitetit.
Me përfundimin e kësaj etape, Kryeministri Edi Rama ka publikuar pamje nga ceremonia e certifikimit, ku të rinjtë që përfunduan me sukses programin morën certifikatat e tyre.
Përmes “Dream Academy”, të rinjtë angazhohen në një program që synon t’i ndihmojë në zhvillimin e aftësive personale dhe edukative, si dhe në përfshirjen më të madhe në jetën sociale.
Programi është pjesë e nismave që financohen përmes Fondit të Posaçëm për Parandalimin e Kriminalitetit, me synim krijimin e mundësive për të rinjtë dhe nxitjen e përfshirjes së tyre.
