Volejbollistja nga Shtetet e Bashkuara të Amerikës, Faith Bennett, po ndihet sikur në shtëpinë e saj në Ferizaj.
Ajo luan me sukses në ekipin e Ferizajt që garon në Superligën B të Kosovës.
Faith Bennett luan në pozitën e pasueses dhe ndihet me fat që është pjesë e kësaj skuadre dhe që e kanë pritur në mënyrën më të mirë.
Asaj i pëlqejnë ushqimet tradicionale po ashtu ka mësuar edhe për historinë e popullit të Kosovës.
“Bota sot”: A jeni përshtatur me ekipin e Ferizajt?
Faith Bennett: Jam e argëtuar shumë. Jam e bekuar që kam një mundësi për të luajtur në Evropë.
Trajnerët dhe shoqet e mia të skuadrës janë shumë mikpritëse dhe më kanë ndihmuar të përshtatem.
Më pëlqen se sa miqësore janë edhe me amerikanet në përgjithësi.
“Bota sot”: Çfarë iu ka bërë përshtypje?
Faith Bennett: Më ka bërë më shumë përshtypje mikpritja.
Trajnerja ime gjithmonë mundohet që të sigurohet që të kemi gjërat që më duhen.
Shoqet e skuadrës më kanë pritur në shtëpitë e tyre.
Më pëlqen po ashtu sa shumë kam mësuar për kulturat juaja.
Nga gatimet tradicionale te tradita e Ramazanit dhe shumë më tepër, ka qenë e mahnitshme të mësojë për një kulturë më ndryshme nga përvoja ime.
“Bota sot”: Cilin ushqim e preferoni më shumë?
Faith Bennett: E preferuara ime që kam ngrënë këtu është rizotto!
Unë gjithashtu e dua ajvarin, ndërsa një nënë e shoqes së skuadrës na bëri një kavanoz dhe më pëlqen shumë që ta vendosi në tostin tim me vezë.
Unë gjithashtu i pëlqej byrekun me spinaq si dhe fasulen!
“Bota sot”: Ferizaj po tregon lojëra të mira, a jeni të kënaqur me rezultatet e deritanishme?
Faith Bennett: Jemi plotësisht të kënaqura. Ne kemi fituar të gjitha ndeshjet tona përveç një.
Ka qenë një përmirësim i tillë nga sezoni i kaluar, jam e lumtur që kam qenë në gjendje të kontribuoj në sukseset e ekipeve.
“Bota sot”: Sa jeni të kënaqur me drejtuesit e klubit?
Faith Bennett: Arta dhe Gazmendi nuk kanë qenë asgjë më pak se një bekim. Ata më kanë pritur krahëhapur, më kanë lënë të ndaj shtëpitë dhe traditat e tyre dhe gjithmonë janë kujdesur për mua.
Ata janë të mirë për njohjen e sukseseve të mia gjithashtu dhe kjo ka qenë shumë shpërblyese.
“Bota sot”: Çfarë mund të na thoni për Superligën B?
Faith Bennett: Superliga B ka cilësi, edhe pse ka një dallim të madh në mes A dhe B, mendoj se skuadrat si Ferizaj, Suti Sport dhe Kastrioti kanë një mundësi për të bërë shumë mirë në Superligën A.
Mendoj se ka vend për përmirësim dhe punë të palodhshme. Liga dhe niveli mund të përmirësohen çdo vit!
“Bota sot”: Dëshpërimi?
Faith Bennett: Ndeshja jonë e parë kundër Suti Sport ishte e vetmja lojë që humbëm, kështu që do të ishte ajo që do të doja të kthehesha dhe ta ndryshoja.
Sinqerisht, ne thjesht nuk u përgatitëm mjaft mirë për të, nuk punuam shumë ose nuk e kuptuam rëndësinë e asaj loje.
Duhet të kishim nisur më fort.
Megjithatë ne jemi përmirësuar që nga atëherë, kështu që jam e kënaqur që mësuam se si të bënim ndryshimin që kishim nevojë.
“Bota sot”: Cila është dallimi i jetës së Kosovës dhe asaj amerikane?
Faith Bennett: Amerika ka ritme shumë të shpejta dhe të gjithë janë aq të zënë dhe puna është e madhe!
Në Kosovë është pak më e relaksuar dhe jo siç është planifikuar. Është bukur të kesh një aspekt më relaksues të jetës.
Gjithashtu, patriotizmi për Kosovën dhe Amerikën është diçka që është kaq i fortë dhe me rrënjë të thella këtu dhe është diçka që Amerikës i mungon më shumë tani.
Njerëzit në Kosovë janë shumë të pasionuar dhe i duan pavarësisht nga janë.
Duke parë betejat me të cilat është përballur populli i Kosovës në vitet e kaluara më ka hapur sytë se sa me fat jam që jam amerikane!
Dhe jam shumë e lumtur që Amerika i ka ndihmuar popullit të Kosovës që më pëlqen të mësojë historinë.
Besoj se Kosova do të vazhdojë të rritet dhe të ndryshojë në vitet e ardhshme, shpresoj se edhe Amerika do të rritet.
