KV Ferizaj është mposhtur nga Volejbal Brno i Çekisë, në ndeshjen e parë të raundit të 1/32-tës së finales së CEV Challenge Cup.
Skuadra vendase e nisi më mirë takimin dhe arriti të krijojë epërsi që në setin e parë, të cilin e fitoi me rezultat 25:13.
Ferizaj tentoi të reagojë në vazhdim, por çekët ruajtën kontrollin e lojës, duke fituar edhe dy setet e radhës, 25:18 dhe 25:17, për ta mbyllur ndeshjen në tri sete.
Përballja e zhvilluar në Çeki ishte e para mes këtyre dy skuadrave.
Pas një jave, KV Ferizaj do ta presë Brnon në Pallatin e Sporteve “Bill Clinton”, në ndeshjen e kthimit, ku do të kërkojë të japë përgjigjen para tifozëve të vet.