Zyrtari i LDK Bajram Gecaj, ka reaguar në lidhje me një shkrim të Blerim Latifit i cili ka përmendur disa tregime siç i quan ai të partive politike.
Ai mes tjerash ka thënë se tregimi i LDK-së, është se “Ne i rivendosëm marrëdhëniet me Amerikën dhe aleatët, të cilat i prishi VV”.
Gecaj ka thënë se, ky është vërtetë një tregim suksesi dhe shumë i rëndësishëm, sepse shumë herë që politikanë të krisur nga të gjitha anët kanë tentuar t’i dëmtojnë ato.
Postimi në Facebook:
“Tregimi i LDK: Ne i rivendosëm marrëdhëniet me Amerikën dhe aleatët, të cilat i prishi VV,” po thotë Blerim Latifi!
Megjithatë, Latifi po lë anash, ndoshta qëllimisht, faktin se këto marrëdhënie fillimisht janë vendosur e më-pastaj rivendosur nga ana e LDK-së, sa herë që politikanë të krisur nga të gjitha anët kanë tentuar t’i dëmtojnë ato. Ky është vërtetë një tregim suksesi dhe shumë i rëndësishëm, marrë parasysh rëndësinë e këtyre marrëdhënieve.
Megjithatë, lista e tregimit tonë është dukshëm më e pasur se kaq, në veçanti marrë parasysh udhëheqjen me dy qeveritë më të suksesshme të pasluftës.