(E plotësuar 10:52) - Transportuesit ndërurban sot e kanë vazhduar protestën e tyre, ku kërkojnë mbështetje financiare nga ana e Qeverisë për ta përballuar krizën e pandemisë.
Ata edhe sot për herë të dytë duke i rënë borisë, kanë shprehur pakënaqësinë e tyre për mospërkrahje.
Në vazhdim ju sjellim pamjet nga protesta e transportuesve.
Transportuesit nuk heqin dorë nga kërkesat e tyre, qarkullim të autobusëve s’ka as sot
Bojkotimi i punës dhe greva e operatorëve të transportit publik po vazhdon edhe sot. Në ora 12:00 në sheshin “Skënderbeu” në Prishtinë, përkatësisht para qeverisë, drejtues të Shoqatës së Transportuesve Rrugor të Udhëtarëve do të bëjnë një paraqitje publike para mediave në shenjë proteste për mos subvencionimin nga Qeveria në detyrë e Kosovës.
Marshi-protestues me autobusë i paraparë për sot nga kjo shoqatë ka filluar në orën 10:00.
Kryetari i kësaj shoqate Ruzhdi Kurtishaj theksoi për KosovaPress se nuk heqin dorë nga grevat dhe protesta deri në realizimin e marrëveshjes për subvencionim nga Qeveria.
Ndërsa, në shenjë proteste për mos subvencionimin nga Qeveria në detyrë, rreth 250 kompani të autobusëve kanë protestuar të premten në Prishtinë.
Derisa prej të mërkurës, Shoqata e transportit rrugor të udhëtarëve, ka ndalur qarkullimin e autobusëve.
