Deri më tani janë vaksinuar 1898 të moshuar

Aktuale

Deri më tani janë vaksinuar 1898 të moshuar

Më: 17 prill 2021 Në ora: 13:41
Niman Bardhi

Edhe sot po vijon vaksinimi në Qendrën e Vaksinimit në sallën “1 Tetori”. Në këtë qendër deri në mesditë u vaksinuan 220 të moshuar. Ndërsa nga procesi i vaksinimit deri më tani janë vaksinuar 1898 të moshuar.

Këto i bëri të ditura në një konferencë për media koordinatori i qendrës së vaksinimit Niman Bardhi, i cili tha se deri më tani procesi ka shkuar normalisht, pa ndonjë problem të theksuar.

Bardhi: Deri në këto çaste janë vaksinuar 220 persona

"Aktualisht që ne flasim deri në këto çaste janë vaksinuar 220 persona të shoqëruara me sëmundje kronike gjithmonë duke pasur parasysh që grup mosha e tyre është 75 e mbi. Në total deri në këto çaste nga kategoritë e të moshuarave dhe të sëmurëve kronike përfshirë edhe ata me dializë që ishin kemi 1898 të vaksinuar", tha ai

Bardhi shtoi se nga dita e nesërme pret rritje të numrit të vaksinuarave të moshave 75 deri në 79 vjeç.

Bardhi: Nga dita e nesërme presim fluks më të madh

"Ndërsa për nga dallimi i tyre vlen të theksohet që të moshuar deri më tani 1162 persona, me dializë 47 dhe të sëmur kronikë deri në këto qaste që ne po flasim në total janë 536 persona po presim që edhe gjatë ditës së sotme, pjesën e pasdites, po ashtu dita e nesërme me këtë kategori që kemi 75 deri në 79 vjeç, të jetë numri në rritje e sipër", tha ai

Koordinatori i Qendrës së Vaksinimit, Niman Bardhi gjithashtu u bëri apel të gjithë qytetarëve që të respektojnë grup-moshat që i ka rekomanduar komitetit drejtues për vaksinim.

commentFirst article
Sot mund të lexoni Shfletoni kopertinat