Kurti komenton thirrjet për ta shkarkuar ministrin Rakiq

Aktuale

Kurti komenton thirrjet për ta shkarkuar ministrin Rakiq

Më: 25 shtator 2021 Në ora: 17:07
Albin Kurti dhe Xhelal Sveçla

Kryeministri Albin Kurti vlerëson se thirrjet për ta shkarkuar ministrin për Kthim dhe Komunitete Goran Rakiq sa i përket pjesëmarrjes së tij në bllokadën e serbëve të veri të vendit kanë për synim të krijojnë konflikt brendaqeveritar.

Shefi i qeverisë në konferencën e jashtëzakonshme për media tha se nuk i kontribojnë strategjisë së qeverisë thirrjet që të shkarkohet tash ministri Rakiq.

“Thirrjet për ta shkarkuar në këtë moment ministrin Rakiq nuk janë thirrje që i kontribojnë strategjisë tonë dhe më shumë kanë për synim që të na krijojnë njëfar konflikt të ri brendaqeveritar, në kushtet kur policia e Kosovës me ligjshmërinë që po e zbaton është kryefjala e situatës së sigurisë dhe politike. Mua më duket që është më shumë kërkesë për ndërhyrje në strategjinë tonë sesa që bëhet nga ndonjë motiv i lartë për të mirën e Kosovës”, tha Kurti.

Ai foli edhe për reagimet e BE-së dhe ShBA-së lidhur me atë se a duhet të fajsohet Serbia për situatën në veri.

“Ata që kanë dashur të shohin e kanë parë, a vendosin të flasin nuk është çështje e imja, ne jemi në një betejë të sigurisë dhe duhet të kemi kujdes në hapat që do të ndërmarrin”, tha Kurti.

Shfaq komentet
comments powered by Disqus
Sot mund të lexoni Shfletoni kopertinat