Pas tensioneve në veri, reagon edhe ambasadori amerikan në Begorad – thotë se është në kontakt me këta persona

Aktuale

Pas tensioneve në veri, reagon edhe ambasadori amerikan në Begorad – thotë se është në kontakt me këta persona

Nga: A.M Më: 14 tetor 2021 Në ora: 10:02
Anthony Godfrey

Ambasadori amerikan në Beograd, Anthony Godfrey ka reaguar pas tensioneve të krijuara në veri të vendit, pas aksionit të Policisë së Kosovës.

"Ne po e ndjekim situatën në Mitrovicën Veriore me shumë kujdes. Unë kam parë deklaratat e Presidentit Vuçiq, kryeministres Brnabiq, Petar Petkoviç dhe jam në kontakt me kolegët në Prishtinë, ambasadorët e QUNIT-it këtu në Beograd", u shpreh ambasadori amerikan në Beograd, Anthony Godfrey për Novosti, përcjell “Bota sot”.

I pyetur nëse ishin të befasuar nga veprimi i Policisë së Kosovës dhe nëse ai mendon se lëvizje të tilla parandalojnë çdo përparim në procesin e normalizimit të marrëdhënieve, ambasadori tha se në këtë moment nuk ka informacion të mjaftueshëm për incidentin e fundit.

"Ka shanse që duhen përdorur për të ecur përpara. Sa më gjatë që çështjet e pazgjidhura të vonohen, aq më keq do të jenë gjërat", tha ambasadori Godfrey.

Godfrey sipas raporteve të mediave, pritet të zëvendësohet nga Christopher Hill, i cili ështënjë diplomat, njohës i rajonit dhe një mik i ngushtë dhe bashkëpunëtor i Presidentit amerikan Joe Biden.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat