Njësia Speciale e Policisë së Kosovës, janë vendosur në hyrje të Zveçanit, rrugës për pikën kufitare ne Jarinë.
Këto masa vijnë pas vendimit të Qeverisë së Kosovës për të moslejuar mbajtjen e referendumit të Serbisë edhe në Kosovë.
Përveç vendimit të Qeverisë, të shtunën edhe Kuvendi i Kosovës ka miratuar një rezolutë i cili ndalon mbajtjen e këtij referendumi.
Të dielën serbët në veri të Mitrovicës kanë protestuar kundër këtij vendimit, ndërsa kreu i Listës Serbe, Goran Rakiq, ka paralajmëruar reciprocitet nëse Qeveria e Kosovës nuk lejon organizmin e zgjedhjeve të Serbisë edhe në Kosovë më 3 prill.
