Operohet Ardian Kastrati

Aktuale

Operohet Ardian Kastrati

Më: 20 janar 2022 Në ora: 18:28
Ardian Kastrati

Deputeti i PDK-së, Ardian Kastrati, ka deklaruar se pas disa ditë qëndrimi, sot ka dalë nga Qendra Klinike Universitare në Prishtinë. Kjo për shkak se në repartin e ortopedisë pati një operim të suksesshëm.

Ai në këtë rast falënderoi doktorin e cili e operoi, Pleurat Sejdiu, teksa ka kritikuar të gjitha qeveritë për gjendjen e shëndetësisë.

“Për 20 vite nga çdo qeveri është bërë shumë pak për repartin e ortopedisë. Stafi aty funksionon në kushte të tmerrshme infrastrukturore. Ata kanë përjetuar vetëm njëherë rritje rrogash, ndërsa imagjinoni një infermiere aty që ka përgjegjësi deri në 5 dhoma me 20 pacientë paguhet vetëm 365 euro”, shkroi ai në Facebook.

“Për dhjetë muaj qeveria aktuale përmes Ministrisë së Shëndetësisë e paska bërë edhe më kaotike situatën, kurse për rritje pagash në shëndetësi as që duan të bisedojnë. Për shembull pak minuta para operimit tim mungonin disa pajisje elementare në sallën e operimit”, shtoi ai.

Ai tha se duhet të investohet në infrastrukturë dhe në rritjen e pagave të punëtorëve shëndetësore.

“Përndryshe, aty do ti shohim gjithmonë familjarët tonë duke u kujdesur për ne si pacientë”, ka shkruar ai.

“Për shkak të trajtimit të këmbës unë do të mungoj në Kuvendin e Kosovës dhe në ligjërata me studentët e mi në Universitetin e Prishtinës për 6-8 javët e ardhshme. Javët në vijim duhet të mësohem me ec prej fillimit. :Sido që të jetë, do të mbesim në kontakt me ju së paku përmes FB. Shëndeti mbi të gjitha miq”, përfundoi Kastrati.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat