Gjenerali shqiptaro-amerikan paralajmëron rrezikun që po i kanoset Kosovës: Qeveria të ndërhyjë urgjent!

Aktuale

Gjenerali shqiptaro-amerikan paralajmëron rrezikun që po i kanoset Kosovës: Qeveria të ndërhyjë urgjent!

Nga: A.ZH Më: 21 janar 2022 Në ora: 15:24
Foto ilustrim, policia e Kosovës në veri

Gjenerali shqiptaro-amerikan Muharrem Maralusha, ka paralajmëruar se Serbia do të hyjë në veri të Kosovës, nëse Rusia pushton Ukrainën.

Ai ka thënë se gjasat që të ndodhë një gjë e tillë janë mbi 70%, përcjell Bota sot.

Maralusha ka kërkuar nga Qeveria e Kosovës që të thërras një seancë urgjente dhe të vendosë se si do të zgjidhet ky problem dhe çfarë veprimesh të ndërmerren.

Reagimi i gjeneralit në Facebook:

Mundësia që Serbia të hyjë apo të pushtojë Kosovën veriore nëse Rusia pushton Ukrainën është shumë e mundshme.

Qeveria e Kosovës duhet të mbajë një seancë urgjente dhe të vendosë se si të zgjidhet ky problem dhe çfarë veprimesh të ndërmerren.

Gjithashtu, të konsultohet lidershipi shqiptar në Maqedoninë e Veriut dhe në Shqipëri.

Unë sugjeroj që të konsultohet me gjeneralin Kadri Kastratin.

Në qoftë se Rusia vendos  me e sulmua Ukrainën do të ekzistone rreziku që forcat serbe do të hyjnë në veri të Kosovës.

Shansi të ndodhë një gjë e tillë është mbi 70%. 

Kryeministri, Presidentja dhe Kuvendi i Kosovës duhet të konsultohen sa më shpejt. Poashtu duhet të konsultohen Qeveria e Shqipërisë, shqiptarët e Maqedonisë, shqiptarët e Preshevës dhe Kryesia e Sanxhakut.

BE nuk do të ndërhyjë se BE do të ketë duart plot me Rusinë./Botasot

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat