Përplasje e ashpër në Kuvend/ Hekuran Murati i kundërpërgjigjet deputetëve të PDK-së

Aktuale

Përplasje e ashpër në Kuvend/ Hekuran Murati i kundërpërgjigjet deputetëve të PDK-së

Më: 27 janar 2022 Në ora: 17:58
Hekuran Murati dhe Rashit Qalaj

Deputeti i Partisë Demokratike të Kosovës, Rashit Qalaj gjate seancës së sotme të kuvendit është përplasur me ministrin e Financave, Hekuran Murati, rreth masave antiCOVID të vendosura nga Qeveria.

Qalaj ka kërkuar nga Qeveria që të bëjë rishikimin e masave antiCOVID, pasi sipas tij kjo nuk është vetëm kërkesë e opozitës , por edhe një pjese të mazhorancës.

“I nderuar ministër kërkesat e deputetëve të opozitës por edhe disa deputetëve të mazhorancës janë që të heket ora policore që konsiderojmë që është e panevojshëm, të heket kufizimi në lokalet e gastronomisë, të rishikohet vendimi për masat kufizuese në kufi të Kosovës, të heket masa e mbajtjes në hapësirën”, ka thënë ai.

Tutje ai ka kërkuar që të mbikëqyret më shumë respektimi i këtyre masave në ambientet e brendshme, pasi sipas tij në furrat e lokalet e gastronomisë nuk respektohet mbajtja e maskës nga punëtorët.

“Rreptësisht të mbikëqyret implementimi i masave në ambientet e brendshme. Sot në asnjë dyqan aposlutisht askund nuk e kemi respektimin masave mbrojtëse, në furrë të bukës nuk mbajnë maska, kamerierët nuk mbajnë maska, konsumatorët nuk mbajnë maska, nuk kërkohet certifikata e vaksinimit”, shtoi ai.

Pas këtyre deklaratave i menjëhershëm ka qenë reagimi i ministrit të Financave, Hekuran Murati, i cili i ka quajtur hipokrite kërkesat e PDK-së. Tutje ai ka thënë se asnjë nga deputetët e PDK-së nuk po mbajnë maskë në sallë.

“Shumen e lehtë të thuhet që të kokrrohet që në ambiente të brendshme të vendoset maska me rigorozitet, por po mendoj që kjo e vërteton atë që thash. Kështu ka shumë hipokrizi, i gjithë grupi parlamentar i PDK-së këtu nuk ka maska, kjo është hipokrizia që po flas”, tha Murati.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat