Grupi parlamentar i Lëvizjes Vetëvendosje ka thirrur konferencë të jashtëzakonshme për media.
Konferenca do të mbahet në ora 14:00 në ndërtesën e Kuvendit.
Në njoftim nuk është bërë e ditur tema e konferencës, ani pse besohet që edhe kjo konferencë do të mbahet për shkak të dështimit të formimit të komisionit hetimor parlamentar, për hetimin e punësimeve në KEK.
“Grupi parlamentar i Lëvizjes VETËVENDOSJE! mban konferencë të jashtëzakonshme për media, sot e martë, 19 prill, në ora 14.00, në ndërtesën e Kuvendit të Republikës së Kosovës”, thuhet në njoftim.
Ndryshe, sot kanë thirrur konferencë të jashtëzakonshme edhe PDK-ja e AAK-ja.
