Isa Mustafa ‘shpërtheu’ ndaj Vjosa Osmanit e Albin Kurtit, reagon Pozhari: Mustafa mundet me shiku Vjosën dhe me i shku lotët...

Aktuale

Isa Mustafa ‘shpërtheu’ ndaj Vjosa Osmanit e Albin Kurtit, reagon Pozhari: Mustafa mundet me shiku Vjosën dhe me i shku lotët...

Nga: N. Sh. Më: 23 qershor 2022 Në ora: 18:18
Xhevdet Pozhari

Ish-kryeministri i Kosovës, Isa Mustafa ka reaguar sot ashpër ndaj presidentes Vjosa Osmani.

Me anë të një postimi në Facebook, Mustafa tha se, me pas pak fytytë Osmani dhe disa në Qeveri e Kuvend do të mbyllnin gojën për liberalizimin e vizave.

“Me pas veç pak fytyrë, Vjosa Osmani e disa të tjerë në Qeveri e në Kuvend do ta mbyllnin gojën për liberalizimin. Presidentja Osmani, nuk u takua sot me bllokuesin e liberalizimit (Makron), ashtu siç u raportua. Por, dy bllokuesit e liberalizimit, Osmani dhe Makron u takuan në Bruksel. Gati më shkuan lotët kur e lexova deklaratën e Vjosës se vetëm asaj i është dashur viza për këtë takim në Bruksel. Çfarë ironie. Kjo mendon se populli e ka mbajtje mendjen e peshkut!”, ka shkruar Mustafa.

Ish-kryeministri tha se, Osmani, Kurti e Bulliqi në vitin 2015 kanë shpikur të pavërteta për të penguar ratifikimin si kusht të liberalizimit.

“Është Vjosa Osmani, Albin Kurti, Shpëtim Bulliqi e piromanet e tyre që në vitin 2015 e 2016, kur ne ishim në një pako me Ukrainën dhe Gjeorgjinë për liberalizimin e vizave shpiknin të pavërteta për ta penguar ratifikimin si kusht të liberalizimit”, ka shkruar ndër tjera Mustafa.

Mirëpo, Mustafës i ka reaguar analisti politik Xhevdet Pozhari.

Edhe ky përmes një postimi në facebook, thotë se, Mustafa assesi nuk pajtohet me faktin qe Vjosa Osmani u bë presidente dhe jo ai.

Pozhari ia kujton Mustafës që Hashim Thaçin e kishte bë president, mandej e rrëzoi atë nga Qeveria.

“"Lotët e krokodilit"

Isa Mustafa assesi të pajtohet me faktin që Vjosa Osmani u bë presidente, e jo ai.

Për ata që nuk harrojnë, Isa Mustafa e pat bë president Hashim Thaçin, pasi që Thaçi e bëri Isën kryeministër. Mandej e rrëzoi nga Qeveria dhe vet mbeti president.

Albini nuk e bëri atë gabim. Tash Isa Mustafa mundet me e kqyr Vjosën veç prej televizionit. Edhe me i shku lotët. Sigurisht, jo prej gëzimit!”, ka shkruar Pozhari.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat