Sali Berisha: Unë jam kosovar, Tropoja është pjesë etnike e Kosovës

Aktuale

Sali Berisha: Unë jam kosovar, Tropoja është pjesë etnike e Kosovës

Më: 30 qershor 2022 Në ora: 22:10
Sali Berisha

Kryetari i Partisë Demokratike në Shqipëri, Sali Berisha deklaroi se është kosovar, pasi Tropoja është pjesë etnike e Kosovës.

Lajmi u bë i ditur nga ish-kryeministri, duke cituar fjalën e tij gjatë emisionit “Opinion”.

“Unë jam kosovar, Tropoja është absolutisht pjesë etnike e asaj që quhet Kosovë”, theksoi fillimisht ish-kryeministri.

Sipas tij, njësoj si Shën Gjergji si malësi e Tiranës, Tropoja është malësi e Gjakovës.

Lideri i selisë blu sqaroi se kur është vendosur kufiri një pjesë e mirë e fshatrave të saj kanë mbetur në anën tjetër të saj.

“Unë nuk mund të them kurrë se Kosova përmendet nga unë për ‘kapital politik’ . Sot, jemi në rrethanat të një tradhtie të qartë kombëtare nga Edi Rama me projektin e Open Balkan”, vijoi Berisha në deklaratën e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat