Ky është djali i Lushtakut që po kërkohet nga policia

Aktuale

Ky është djali i Lushtakut që po kërkohet nga policia

Më: 3 korrik 2022 Në ora: 12:11
Nuredin Lushtaku

Dy zyrtarë policorë u plagosën mbrëmë në Skenderaj. Dyshohet se në këtë rast është i përfshirë ish-nënkryetari i Skenderajt, Nuredin Lushtaku, dy djemtë e tij dhe vëllezërit e tij.

Policia e Kosovës ka njoftuar sot se kanë arrestuar dy persona dhe dy të tjerë janë në kërkim.

Insajderi ka mësuar nga burimet e saj se ende në arrati është djali i Lushtakut, Arbër Lushtaku.

Incidenti raportohet të ketë filluar mes dy djemve të tij nga Policia e Kosovës të cilëve i ishte shqiptuar një tiketë trafiku. Sherri kishte filluar me shfaqjen e ish-deputetit dhe dyshohet se të përfshirë në konflikt, ishin edhe djemtë e tij.

Policia e Kosovës bënë të ditur se njëri nga policët është i plagosour me armë zjarri në këmbë dhe tjetri është i lënduar nga mjetet e forta. “Të dy zyrtarët policorë janë jashtë rrezikut për jetë, të njëjtit janë dërguar në QKUK për trajtim mjekësor”, thuhet në njoftimin e policisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat