Armend Zemaj: Qeveria Kurti po jeton në botë paralele

Aktuale

Armend Zemaj: Qeveria Kurti po jeton në botë paralele

Më: 14 gusht 2022 Në ora: 17:18
Armend Zemaj

Armend Zemaj ka adresuar sot kritika ndaj Qeverisë Kurti duke thënë ka realizuar vetëm 9% të buxhetit për investime kapitale, gjersa 4 ministri kanë përfunduar me 0 realizim.

Ai thotë se ministri i Financave, Herkuran Murati, sot e pranoi debaklin kur sipas Zemajt tha se “investimet do të bëhen”.

Postimi i plotë:

Përballja e Qeverisë me veten dhe të vërtetën!

Qeveria: Pasqyrë oj pasqyrë, a jam qeveria më e mirë në botë?

Pasqyra: Jo, se i ke realizuar vetëm 9% nga investimet kapitale, gjersa 4 ministri tuaja përfaqësohen me 0 realizim!

Raportin Financiar i Thesarit të Shtetit pasqyroj më së miri dështimet e Qeverisë, përkatësisht mosrealizimin e buxhetit për investime kapitale. Në 6-të muajt e parë të vitit 2022, Qeveria ka realizuar vetëm 9% të buxhetit për investime kapitale, gjersa 4 ministri kanë përfunduar me 0 realizim.

dërkaq, ministri i Financave, i cili përfaqëson vetëm 1% të realizimit të buxhetit për investime kapitale, sot, deklaroi se “investimet do të bëhen”, duke e pranuar kështu debaklin e radhës; e zeza në të bardhë e shkruar në statusin e tij.

Kjo Qeveri tashmë po e vërteton se është duke jetuar në një botë paralele, ndonëse dua të besoj se pranimi i debaklit nga ana saj mund të jetë një shenjë pozitive për rikthim eventual në botën reale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat