E krahasoi Haradinajn me lopën, zëdhënësi i AAK-së e quan këshilltarin e Kurtit “viç”

Aktuale

E krahasoi Haradinajn me lopën, zëdhënësi i AAK-së e quan këshilltarin e Kurtit “viç”

Më: 16 gusht 2022 Në ora: 18:41
Zëdhënësi i AAK-së, Lulëzim Blaka

Zëdhënësi i AAK-së, Lulëzim Blaka ka reaguar pas një deklarate të këshilltarit të kryeministrit Albin Kurti, Elvis Hoxha ndaj kryetarit të AAK-së, Ramush Haradinaj.

Duke reaguar ndaj kërkesës së Haradinajt për dorëheqjen e Kurtit nga pozita e të parit të qeverisë, Hoxha bëri një koment ofendues ndaj Kurtit.

“Ramush, nuk ka nevojë të hartosh fraza që shpejt të kthehen në fore kundër teje. Ramush, kur është për më folë diçka, je fut në zanat t’huaj. Si të ta them… më mirë hesht. Fiton më shumë vota kur hesht sesa kur këndon apo imiton lopën", kishte shkruar Hoxha.

Lulëzim Blaka zëdhënës i AAK-së, ka reaguar pas ofendimeve që Elvis Hoxha, këshilltar i Kurtit, i bëri për ish kryeministrin Haradinaj.

Ndërkaq, Blaka i është kthyer po ashtu me ofendime Hoxhës, duke e përfshirë edhe Kurtin.

“E dhimbshme. Ja ky hiçi ynë, çfarë viçash ka për këshilltarë. Këtë vemje. Këtë parazit!”, ka shkruar Blaka. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat