Eksperti i protokollit komenton për rastin Abdixhiku-Begaj

Aktuale

Eksperti i protokollit komenton për rastin Abdixhiku-Begaj

Më: 17 gusht 2022 Në ora: 11:21
Bajram Begaj dhe Lumir Abdixhiku

Pasi kreu i LDK-së, Lumir Abdixhiku, s’ka pranuar ta takojë presidentin e Shqipërisë në Kuvendin e Kosovës, por ka kërkuar në selinë e partisë, eksperti i protokollit, Haki Merovci, ka sqaruar se në bazë të protokollit takimet e një presidenti të huaj me krerët partiakë zhvillohen në mjediset e institucioneve shtetërore ose në hotelet diplomatike.

“Protokolli i shtetit është mbi partitë. Sipas ceremonialit shtetëror dhe praktikave protokollare, takimet e një presidenti të huaj me krerët partiak zhvillohen në mjediset e institucioneve shtetërore, respektivisht në hotelet diplomatike”.

Merovci shtoi se këto takime nga programi i vizitës shtetërore organizohen nga protokolli i shtetit dhe drejtohen nga ambasada respektive e shtetit mysafir.

Marshalli i protokollit u tregua i prerë, duke thënë se “nuk ka negociata me protokoll”.

Begaj dje ka komentuar këtë rast dhe tha se takimet ishin të paracaktuara që do të kryheshin në Kuvendin e Kosovës, ndërsa LDK kishte kërkuar që takimi të mbahej në selinë e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat