Jens Stoltenberg, sekretari i përgjithshëm i NATO-s, gjatë një takimi të ministrave të Jashtëm të Aleancës në Oslo, e ka deklaruar se dhuna ndaj forcave paqeruajtëse të KFOR-it në Kosovë që çuan në plagosjen e 30 ushtarëve, 11 nga të cilët ishin italianë dhe 19 të tjerë hungarezë, është e papranueshme.
Stoltenberg po ashtu deklaroi se NATO do të rrisë misionin e saj prej 4,000 trupash në rajon me 700 trupa shtesë në Kosovë, dhe se një batalion tjetër do të vihet në gatishmëri të lartë, raporton Reuters.
Ai ka thënë se KFOR-i "do të marrë hapat e nevojshëm për të normalizuar dhe garantuar sigurinë".
"NATO do të mbetet vigjilente. Ne do të jemi atje për të siguruar një mjedis të sigurt dhe të sigurt, si dhe për të qetësuar dhe ulur tensionet", tha Stoltenberg para gazetarëve në takimin e ministrave të jashtëm të NATO-s në Oslo.
Tutje Stoltenberg ka shtuar se mesazhi i NATO-s për Beogradin ashtu edhe për Prishtinën është se ata duhet të angazhohen në mirëbesim në dialogun e lehtësuar nga BE.
