Zëdhënësi i BE-së për Politikë të Jashtme e Siguri, Peter Stano, ka komentuar deklaratat e emisarit të SHBA-së për Ballkanin Perëndimor, Gabriel Escobar, për problemet në komunikim me kryeministrin e Kosovës, Albin Kurti.
Stano në konferencë për media të mërkurën ka thënë se pikëpamjet e BE-së dhe SHBA-së për Kosovën përputhen gati qind për qind.
Stano: Pikëpamjet e BE-së dhe SHBA-së për Kosovën përputhen gati qind për qind
“E them në përgjithësi, kur bëhet fjalë për Kosovën, e sjelljen e administratës aktuale në Prishtinë, pikëpamjet tona me partnerët amerikanë përputhen gati qind për qind”, tha Stano.
Ndryshe, Escobar dje tha se partneriteti i ShBA-së dhe qytetarëve nuk varet dhe nuk shkon përmes një njeriu ose një partie, duke përmendur se ka probleme në komunikim me Kurtin.
