Gazetari Baton Haxhiu, ka thënë në “Pressing”, se Hashim Thaçi përkundër përplasjeve që ka pasur me Lidhjen Demokratike të Kosovës (LDK), nuk ka tentuar ta shkatërrojë atë.
Sipas tij, këtë e ka synuar Albin Kurti, ai tha se Kurti e solli në pikën më të ulët elektorale LDK-në.
“Hashim Thaçi ka shku te varreza e Rugovës, por nuk ka tentuar shkatërrimin e LDK-së, ka pasur përplasje, por nuk ka tentuar ta shkatërrojë. Albin Kurti është politikani e ka sjellur LDK-në në pikën më të ulët të saj”, ka thënë Haxhiu.
Por, me të nuk u pajtua deputeti i pavarur i Kuvendit të Kosovës, Haki Abazi, i cili tha se Thaçi po gjykohet për “vrasjen e aktivistëve të LDK-së”.
“Me thanë Thaçi nuk ka tentu me shkatërru LDK-në, e me qenë t’u u gjyku për vrasjen e aktivistëve të LDK-së. Është pak sa kalim lehtësisht nëpër emra të njerëzve të LDK-së që janë goditur pamëshirshëm në një kohë”.
“LDK-ja është goditur si lëvizje politike, për me mujt me kriju hapësirë për me marrë pushtetin partitë e tjera”, ka thënë Abazi.
