Votimi po zhvillohet pa probleme, njofton KQZ-ja

Aktuale

Votimi po zhvillohet pa probleme, njofton KQZ-ja

Më: 12 tetor 2025 Në ora: 11:54
Foto ilustrim

Procesi i votimit deri në këtë fazë po zhvillohet në mënyrë të qetë dhe të rregullt dhe deri tani nuk janë raportuar parregullsi që do të mund të cenonin integritetin dhe mbarëvajtjen e përgjithshme të procesit zgjedhor.

KQZ mbetet në kontakt të vazhdueshëm me trupat zgjedhor në teren dhe institucionet përgjegjëse për tu siguruar se çdo aspekt i procesit të vazhdojë sipas ligjit dhe rregullave zgjedhore.

Deri në orën 11:00 për zgjedhjet lokale në Kosovë kanë votuar 7.84 për qind apo 158 mijë e 619 votues.

Kështu ka bërë të ditur Komisioni Qendror Zgjedhor. Kryesuesi i KQZ-së, Kreshnik Radoniqi, tha se procesi i votimit deri tani po zhvillohet në mënyrë të qetë dhe të rregullt.

“Duke u mbështetur në të dhënat preliminare që kemi marrë nga rreth 94 për qind e vendvotimeve numri i qytetarëve me të drejt vote që kanë votuar deri në orën 11:00 është 158 mijë e 619 votues apo 7.84 për qind nga dy milionë e 25 mijë e 105 votues”, tha ai.

comment Për komente lëvizni më poshtë
Sot mund të lexoni Shfletoni kopertinat