Keqpërdorimet e votave në Deçan e Junik, intervistohen 30 të dyshuar

Aktuale

Keqpërdorimet e votave në Deçan e Junik, intervistohen 30 të dyshuar

Më: 4 shkurt 2026 Në ora: 11:47
Foto ilustrim

30 persona janë duke u intervistuar lidhur me dyshimet për manipulimet me vota në komunën e Deçanit dhe Junikut.

Ky numër u konfirmua nga Prokuroria Themelore në Pejë.

Ndërkohë, prokuroria përmes një komunikate për media ka njoftuar se nga dita e sotme ka filluar procesi i intervistimit të komisionarëve lidhur me dyshimet për keqpërdorime gjatë procesit të numërimit të votave të kandidatëve të subjekteve politike, me qëllim të sqarimit dhe zbardhjes së plotë të të gjitha rrethanave të këtij rasti.

Autorizimi i parë për ndërmarrjen e veprimeve hetimore është lëshuar më 19 janar nga Kryeprokurorja e Prokurorisë Themelore në Pejë, Lumturije Vuçetaj, ndërsa veprimet e mëtejshme hetimore po ndërmerren me autorizimet e prokurorëve të caktuar nga Kryeprokurorja, në koordinim të ngushtë me Hetimet Rajonale të Policisë së Kosovës në Pejë.

comment Për komente lëvizni më poshtë
Sot mund të lexoni Shfletoni kopertinat