Kandidati për kryeministër nga radhët e PDK-së, Bedri Hamza ka mirëpritur kolonel në listën e partisë, Skender Hoxhën, ish-komandant i Brigadës 124 të UÇK-së, ish-atashe ushtarak i Kosovës në Zagreb dhe Komandant i Gardës Kombëtare.
Parmes një postimi në Facebook, Hamza tha se Hoxha për dekada ka qenë pjesë e rrugëtimit të Kosovës nga lufta çlirimtare deri te ndërtimi dhe forcimi i institucioneve të sigurisë së shtetit.
“Për kontributin e tij është nderuar edhe me Medaljen e Karrierës.
Sot, më shumë se kurrë, Kosova ka nevojë për njerëz me integritet, përvojë dhe ndjenjë të lartë përgjegjësie. Mirë se vjen, Kolonel!”, ka shkruar ai.
