Dëshmitarja e rastit të Ibër-Lepencit rrëfen dëmet nga shpërthimi

Aktuale

Dëshmitarja e rastit të Ibër-Lepencit rrëfen dëmet nga shpërthimi

Më: 29 shtator 2026 Në ora: 07:10 Përditësuar në ora: 10:41 më 29.09.2026
Foto nga seanca gjyqësore

Shpërthimi në Ibër-Lepenc, dëshmitarja: Shtëpia lëvizi, mendova se ishte tërmet

Dëshmitarja Milena Pashpereviq, e cila në rastin e sulmit ndaj kanalit të Ibër-Lepencit është edhe palë e dëmtuar, ka dëshmuar për dëmet e shkaktuara në shtëpinë e saj nga shpërthimi i 29 nëntorit 2024 në Varagë të Zubin Potokut.

Duke iu përgjigjur pyetjeve të prokurorisë, Pashpereviq ka rrëfyer se në momentin e shpërthimit ishte e vetme në shtëpi dhe se nga tronditja kishte menduar se bëhej fjalë për një tërmet.

Ajo ka thënë se shpërthimi kishte shkaktuar dëme të konsiderueshme në shtëpinë e saj.

“Në shtëpinë time, kam qenë e shtrirë. Nuk ka qenë askush në shtëpi, bashkëshorti im ka qenë në udhëtim. Më kujtohet se ka qenë detonim shumë i madh, mendoj se ka qenë koha e errësuar, sepse kur kanë ardhur veturat ka qenë errësirë. Kur kam dalë dhe kam parë që një sasi e madhe e ujit vjen drejt shtëpisë sime, veturat janë ndaluar. Shtëpia ime ndodhet përfundi rrugës magjistrale, ndërsa ngjarja ka ndodhur mbi rrugën magjistrale”, tha ajo.

Ajo ka përshkruar edhe momentet pas shpërthimit, duke thënë se tronditja kishte qenë aq e madhe saqë ishin dëmtuar edhe pjesë të shtëpisë.

“Detonimi ka qenë i madh, është shkundur shtëpia, themeli i shtëpisë ka lëvizur, si dhe qynga e shporetit ka dalë nga vendi, si dhe në ato momente kam menduar mos është ndonjë tërmet. Fillimisht kam shikuar në dritare, pasi kam dëgjuar eksplodimin, e kam parë atë ujë, shumë sasi e madhe e ujit, e kam thirrur nënën në telefon. Kam kërkuar ndihmë që të vijë dhe të shohim se çfarë po ndodh. I kam thirrur prindërit që të vijnë, pasi ndodhen aty në fshat”, deklaroi ajo.

Pashpereviq ka thënë se në ato momente ishte e shqetësuar dhe e frikësuar, pasi ndodhej e vetme në shtëpi dhe nuk kishte fqinj afër.

“Po, shumë e shqetësuar dhe e frikësuar, se kam qenë vetëm në shtëpi, pasi nuk kam fqinjë në shtëpinë time. Jo vetëm veturat i kam parë”, tha ajo.

Duke folur për dëmet, dëshmitarja ka bërë të ditur se kryetari i Komunës së Zubin Potokut, Izmir Zeqiri, e kishte ndihmuar me 1 mijë e 300 euro, por ka theksuar se kjo shumë nuk e kishte kompensuar dëmin e shkaktuar.

“Dëmtimi ka qenë shumë i madh (i shtëpisë). Kryetari i komunës, Izmir Zeqiri, na ka ndihmuar me të holla, 1 mijë e 300 euro. Nuk është që na është kompensuar dëmi, por në ato momente na ka ndihmuar me ato të holla”, tha ajo.

E pyetur nga prokuroria nëse kërkon dëmshpërblim nga personat e akuzuar për rastin, ajo është përgjigjur shkurt: “Jo”.

Prokuroria Speciale, pas një hetimi të zhvilluar në bashkëpunim me Policinë e Kosovës, përkatësisht Drejtorinë Kundër Terrorizmit, dhe me partnerët evropianë, ka ngritur aktakuzë ndaj Jovan Viqentijeviqit, Dragisha Viqentijeviqit dhe Igor Dimoviqit për disa vepra penale, përfshirë rrezikimin e rendit kushtetues me shkatërrimin apo dëmtimin e instalimeve dhe pajisjeve publike, kryerjen e veprës terroriste, armëmbajtjen pa leje dhe spiunazhin.

Sipas aktakuzës, më 29 nëntor 2024, në fshatin Varagë të Komunës së Zubin Potokut, në pjesën e kanalit të Ibër-Lepencit, të pandehurit Jovan dhe Dragisha Viqentijeviq, në bashkëpunim me disa persona të tjerë ende të paidentifikuar, pas një marrëveshjeje paraprake, kanë vendosur rreth 20 kilogramë eksploziv të llojit TNT në brendësi të kanalit.

Sipas Prokurorisë, vëllezërit Viqentijeviq e kanë aktivizuar lëndën shpërthyese përmes një çante të lidhur me litar në një shtyllë betoni. Si pasojë, është dëmtuar rëndë struktura e kanalit, është ndërprerë furnizimi me ujë të pijshëm dhe është rrezikuar prodhimi i energjisë elektrike.

Aktakuza pretendon se ndërmarrjes Ibër-Lepenc i është shkaktuar dëm në vlerë prej 376 mijë e 774 eurosh e 70 centësh.

Jovan Viqentijeviq ngarkohet edhe me veprën penale të spiunazhit, ndërsa Igor Dimoviq akuzohet për armëmbajtje pa leje.

Sipas aktakuzës, Jovan Viqentijeviq, deri në momentin e arrestimit, kishte vepruar si i rekrutuar në Shërbimin Informativ Ushtarak të Serbisë, në cilësinë e kolonelit, duke mbledhur informacione dhe dokumente të klasifikuara, me qëllim përdorimin e tyre në aktivitete të kundërligjshme në territorin e Kosovës.

Sulmi në Ibër Lepenc, nis seanca gjyqësore ndaj tre të akuzuarve

Të akuzuarit në rastin e sulmit në kanalin “Ibër Lepenc” në Zubin Potok, Dragisha Viqentijeviq, Jovan Viqentijeviq dhe Igor Dimoviq, janë paraqitur në Gjykatën Themelore në Prishtinë ku do të vazhdoj seanca gjyqësore ndaj tyre.

Vëllezërit Viqentijeviq akuzohen për rrezikim të rendit kushtetues me shkatërrimin apo dëmtimin e instalimeve dhe pajisjeve publike, në lidhje me kryerjen e veprës terroriste, si dhe për armëmbajtje pa leje.

Jovan Viqentijeviq ngarkohet edhe me spiunazh, ndërsa Igor Dimoviq akuzohet për armëmbajtje pa leje.

Shpërthimi ndodhi më 29 nëntor 2024, në fshatin Varagë të Zubin Potokut. Sipas aktakuzës, në kanal ishte vendosur një çantë me rreth 20 kilogramë eksploziv të llojit TNT, ndërsa Jovan Viqentijeviq dyshohet se kishte ndezur fitilin.

Sulmi dëmtoi infrastrukturën e furnizimit me ujë dhe rrezikoi furnizimin e termocentraleve të Korporatës Energjetike të Kosovës, rrjedhimisht edhe prodhimin e energjisë elektrike.

Një nga provat ku mbështetet prokuroria është ekzaminimi krahasues i dheut të gjetur në çizmet e sekuestruara dhe mostrave të marra pranë vendit të shpërthimit. Sipas përshkrimit në aktakuzë, në këtë ekzaminim janë përfshirë edhe ekspertë të FBI-së amerikane.

Prokuroria pretendon se ngjashmëria ndërmjet mostrave i lidh vëllezërit Viqentijeviq me vendin e ngjarjes.

Prokuroria Speciale pas një hetimi të zhvilluar në bashkëpunim me Policinë e Kosovës – Drejtoria Kundër Terrorizmit, dhe me partnerët evropianë ka ngritur aktakuzë ndaj vëllezërve Jovan Viqentijeviq e Dragisha Viqentijeviq, dhe Igor Dimoviq për veprat penale “Rrezikimi i rendit kushtetues me shkatërrimin apo dëmtimin e instalimeve dhe pajisjeve publike” nga neni 122 lidhur me veprën penale “Kryerja e veprës terroriste”, “Armëmbajtje pa leje”, dhe “Spiunazh”.

Sipas aktakuzës, më 29.11.24 në fshatin Varagë, Komuna e Zubin Potokut, në pjesën e kanalit “Ibër Lepenc”, të pandehurit Viqentijeviq, së bashku me disa persona të tjerë ende të panjohur, pas një marrëveshje paraprake, kanë vendosur eksploziv (rreth 20 kilogramë të llojit Trinitrotoluene “TNT”) në brendësi të kanalit.

Vëllezërit Viqentijeviq akuzohen se lëndën shpërthyese e kanë aktivizuar përmes një çante të cilën e kishin lidhur me litar në një shtyllë betoni, ku si pasojë është dëmtuar rëndë struktura e betonit të kanalit, “Ibër Lepenc”, është shkaktuar ndërprerje e furnizimit me ujë të pijshëm, është rrezikuar prodhimi i energjisë elektrike, dhe ndërmarrjes “Ibër Lepenc”, i është shkaktuar dëm në vlerë prej 376,774.70 eurosh.

Sipas aktakuzës, me këto veprime, të pandehurit Viqentijeviq kanë kryer veprën penale “Rrezikimi i rendit kushtetues me shkatërrimin apo dëmtimin e instalimeve publike” nga neni 122 në lidhje me “Kryerjen e veprës terroriste”.

Sipas aktakuzës, i pandehuri Jovan Viqentijeviq deri në momentin e arrestimit, në cilësinë e të rekrutuarit në Shërbimin Informativ Ushtarak të Serbisë, Kolonel, ka vepruar dhe e ka ndihmuar këtë shërbim, duke mbledhur informacione dhe dokumente të klasifikuara me qëllim që të njëjtat ti përdor gjatë aktivitetit të tij të kundërligjshëm në territorin e Kosovës.

Vazhdon gjykimi për sulmin në kanalin “Ibër-Lepenc”

Në Pallatin e Drejtësisë në Prishtinë, sot në orën 09:30, mbahet seanca gjyqësore ndaj tre të pandehurve për sulmin në kanalin “Ibër-Lepenc”, i cili ndodhi më 29 nëntor 2024 në fshatin Varagë të Zubin-Potokut.

Prokuroria Speciale e Kosovës i akuzon të tre të pandehurit për armëmbajtje pa leje, ndërsa vëllezërit Jovan dhe Dragisha Viqentijeviq akuzohen edhe për veprat penale të rrezikimit të rendit kushtetues me shkatërrimin ose dëmtimin e instalimeve dhe pajisjeve publike, kryerjes së veprës terroriste dhe spiunazhit.

Aktakuza ndaj tre të pandehurve është ngritur më 9 dhjetor 2025 nga Prokuroria Speciale, e cila i lidh të akuzuarit me sulmin që shkaktoi dëme të konsiderueshme në kanalin “Ibër-Lepenc”, një prej objekteve kryesore të infrastrukturës ujore të Kosovës.

Në aktakuzën e ngritur nga prokurori Bekim Kodraliu janë përfshirë edhe deklarimet e Jovan Viqentijeviqit para Prokurorisë. Sipas aktakuzës, ai ka deklaruar se ishte trajnuar në poligonin e ushtrisë serbe “Pasulanske Livade”, së bashku me rreth 120 persona të tjerë, gjatë periudhës 14–23 shtator 2023.

Sipas Prokurorisë, në të njëjtin poligon, gjatë shtatorit 2023, ishin zhvilluar trajnime edhe nga grupi i Milan Radoiçiqit, i cili akuzohet se ishte përfshirë në sulmin e armatosur në Banjskë të Zveçanit më 24 shtator 2023.

Në deklarimin e tij, sipas aktakuzës, Viqentijeviqi ka thënë se në Kosovë ishte planifikuar edhe një sulm tjetër në tetor 2024, por se ky plan ishte anuluar. Në aktakuzë përmendet gjithashtu deklarimi se për realizimin e këtij sulmi ishte pritur përfundimi i zgjedhjeve presidenciale në Shtetet e Bashkuara.

Në mesin e provave të administruara nga Prokuroria është edhe një ekspertizë e kryer nga Byroja Federale e Hetimit (FBI). Sipas aktakuzës, ekspertiza ka konstatuar se materiali i gjetur në çizmet e të akuzuarve kishte strukturë, ngjyrë dhe përbërje të njëjtë me mostrën e marrë në vendin e shpërthimit në kanalin “Ibër-Lepenc”.

Sulmi në kanalin “Ibër-Lepenc” ndodhi më 29 nëntor 2024 në Varagë të Zubin-Potokut, ku një shpërthim dëmtoi rëndë kanalin që furnizon me ujë pjesë të rëndësishme të Kosovës dhe luan rol në proceset e prodhimit të energjisë.

Në seancat gjyqësore pritet të shqyrtohen provat e Prokurorisë dhe të mbrojtjes, si dhe dëshmitë lidhur me rrethanat e shpërthimit dhe rolin e pretenduar të të akuzuarve.

Të pandehurit konsiderohen të pafajshëm derisa fajësia e tyre të vërtetohet me aktgjykim të formës së prerë.

comment Për komente lëvizni më poshtë
Sot mund të lexoni Shfletoni kopertinat