Një protestuese, gjatë protestës në Prishtinë për vrasjen e Arlinda Zekajt, ka tentuar të kontaktojë ministrat e Qeverisë së Kosovës, duke kërkuar adresimin e dhunës ndaj grave dhe përgjegjësi institucionale.
Ajo ka telefonuar ministren e Drejtësisë, Donika Gërvallën, për të adresuar dhunën ndaj grave dhe për t’i kërkuar dorëheqje, por nuk ka arritur ta kontaktojë.
Protestuesja ka telefonuar edhe ministrin e Punëve të Brendshme, Xhelal Sveçlën, mirëpo ai ia ka mbyllur telefonin.
Këto thirrje janë bërë gjatë protestës, ku pjesëmarrësit po kërkojnë përgjegjësi institucionale dhe dorëheqje.