Klubi i basketbollit Sigal Prishtina emëron drejtorin e ri sportiv. Ai është Fidan Hamiti, ish basketbollist.
“Sot bordi i klubit vendosi ta emërojë Fidan Hamitin drejtor sportiv të klubit.
Fidani, ish-basketbollist dhe menaxher i suksesshëm në institucione të ndryshme, do t’i bashkangjitet ekipit dhe të përkujdeset për mbarëvajtjen e pjesës sportive të klubit në sfidat e radhës.
Fidanit i urojmë punë të mbarë dhe vazhdimin e sukseseve të klubit në të gjitha kompeticionet”, njofton KB Sigal Prishtina.
