Lojë solide, Prizreni 16 triumfon ndaj Teutës

Basketboll

Lojë solide, Prizreni 16 triumfon ndaj Teutës

Më: 12 dhjetor 2021 Në ora: 19:10
Lojë solide, Prizreni 16 triumfon ndaj Teutës

Prizreni 16 ka shënuar fitore ndaj Teutës së Durrësit me rezultat 109:97 (23:33, 30:19, 24:24, 32:21), në kuadër të xhiros së gjashtë në Ligën Unike.

Mysafirët e nisën ndeshjen shumë më mirë, duke qenë në epërsi të vazhdueshme, ndërsa epërsinë më të lartë e kishin 14 pikë, 14:28, ndërsa çereku i parë përfundoi 23:33. Kundërpërgjigja e vendasve nuk vonoi shumë, duke shkrirë epërsinë dhe kaluan në epërsi 43:42, e më pas edhe 51:44, kurse pjesa e parë përfundoi me shifrat 53:52.

Perioda e tretë ishte tërësisht e barabartë ku asnjëra nuk arrinte shkëputjen, ndërsa epërsia më e lartë ishte pesë pikë nga durrësakët, ndërsa rezultati në semafor pas 30 minutash ishte 77:76, duke i bërë dhjetë minutat e fundit të ndeshjes shumë interesant. E, në çerekun e fundit më të mirë ishin prizrenasit, që triumfuan në fund me shifrat 109:97.

Prizreni 16 ka katër fitore dhe dy humbje, ndërsa Teuta tri fitore dhe tri humbje.

commentFirst article
Sot mund të lexoni Shfletoni kopertinat