LeBron James ka vazhduar me formë fantastike me fanellën e Los Angeles Lakers këtë edicion në NBA.
Super ylli amerikan ka qenë vendimtar edhe në një ndeshje të Lakers, duke i siguruar fitoren ndaj Minnesota Timberwolves me pesë pikë diferencë 108:103.
James e mbylli takimin me 26 pikë, shtatë kërcime e pesë asistime në 39 minuta sa qëndroi në parket.
Ndihmë të madhe i dhanë yllit amerikan edhe Malik Monk që e mbylli ndeshjen me 22 pikë, Russell Westbrook me 20 të tjera si dhe Carmelo Anthony e Avery Bradley që e mbyllën sfidën me nga 14 pikë.
Tek skuadra mysafire basketbollisti më efikas në këtë takim ishte Naz Reid me 23 pikë e 11 kërcime, por që nuk mjaftuan për fitore, transmeton telegrafi.
Me këtë fitore Lakers ndodhen në pozitën e tetë në Konferencën e Perëndimit me bilanc prej 19 fitoreve e po aq disfatave.
