Golden State me fitore të thellë

Basketboll

Golden State me fitore të thellë

Më: 15 janar 2022 Në ora: 11:04
Golden State me fitore të thellë

Është zhvilluar xhiro e radhës në elitën e basketbollit amerikan NBA.

Padyshim që vëmendja e adhuruesve të basketbollit ka qenë në sfidën mes Chicago Bulls dhe Golden State Warriors, por që nuk pati shumë rivalitet siç u prit para ndeshjes.

GSW ka triumfuar me 42 pikë epërsi në udhëtim, ku pas 48 minutave lojë rezultati ishte 96:138 në të mirë të mysafirëve.

Jonathan Kuminga ishte më efikasi në këtë takim, pasi e mbylli sfidën me 25 pikë, tre kërcime e tre asistime.

Edhe pesë basketbollistë tjerë te GSW e mbyllën ndeshjen me pikë dyshifrore duke treguar formë të lartë.

Jordan Poole shtoi 22 pikë, Andrew Wiggins 21 të tjera, Steph Curry 19, derisa Lee e Looney e mbyllen sfidën me 11 respektivisht 10 pikë.

Vendasit vetëm pas tre minutave lojë mbetën pa yllin kryesor Zach LaVine dhe kësisoj e patën shumë problem t’i bëjnë ballë sulmeve të mysafirëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat