Çair 2030, siguron pjesëmarrjen në Superligën e Maqedonisë

Basketboll

Çair 2030, siguron pjesëmarrjen në Superligën e Maqedonisë

Më: 15 maj 2022 Në ora: 11:46
Çair 2030, siguron pjesëmarrjen në Superligën e Maqedonisë

Skuadra e basketbollit “Çair 2030”, mundi skuadrën e Vardarit, me rezultat 85-59, në përballjen e tretë të plej offit në Ligën e Dytë dhe siguroi biletën e garimit në Superligën e basketbollit vendor në sezonin e ardhshëm.

Basketbollistët e skuadrës “Çair 2030”, dominuan sfidën e tretë duke dëshmuar se jorastësisht ishin ekipi më i mirë në Ligën e Dytë, në prag të fillimit të garave të plej off-it.

Dhe për herë të parë në historikun e vet, skuadra e “Çair 2030” arrin të sigurojë biletën e Superligës, duke mbyllur sezonin në Ligën e Dytë me 2 disfata, një në sezonin e rregullt dhe një në plej off. T

ani skuadra e “Çair 2030” i bashkohet skuadrës së Strumicës, e cila më parë siguroi kualifikimin në Supeligën e Maqedonisë dhe të dy skuadrat gjatë javës së ardhshme do të përballen në ndeshjen që vendos se kujt do të takojë trofeu i Ligës së Dytë.

Kujtojmë se skuadra e “Çair 2030” është skuadra e tretë nga Çairi që siguron pjesëmarrje në Superligë, pas skuadrave të Lirisë dhe Shkupit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat