Imeri: Ngritja e tre gishtërinjve në palestrën e Pejës, e turpshme

Basketboll

Imeri: Ngritja e tre gishtërinjve në palestrën e Pejës, e turpshme

Nga: K.G. Më: 16 maj 2022 Në ora: 13:41
Foto e siguruar nga Lulzim Imeri

Veprimtari sportiv mitrovicas, Lulzim Imeri, thotë se sporti është që i bashkon njerëzit dhe jo të urrehen mes vete.

Ai është i shqetësuar me tensionet në ndeshjen e mbrëmshme mes Pejës dhe Trepçës së Mitrovicës, sfidë e cila u ndërpre për disa minuta.

Imerin e shqetëson edhe një fakt tjetër, i disa tifozëve të pandërgjegjshëm, që bëjnë gjeste të pahijshme dhe të pakontrollueshme, ata nuk e kanë vendin në palestër.

Image

Lulzim Imeri

 “Eventet sportive na bashkojnë dhe organizohen për rivalitet Sportiv dhe adrenalinë, por kurrsesi për shfryrje të mllefit e urrejtes.

Me gjestet e disa "tifozëve" pejan u vërtetua se ai i cili nuk ja don të mirën Kosovës e në veçanti sportit të Kosovës ka angazhuar pionierët e vet për të destabilizuar dhe njollosur eventet sportive në Kosovë. 

Kjo e dëshmon me pamjet qe u shfaqën mbrëmë në palestrën ‘Karagaçi’ në Pejë ngritja e tre gishtërinjve simbol stimulues i grupacioneve paramilitare serbe te cilat gjatë luftërave që kanë shkaktuar në Kroaci, Bosnjë e së fundmi edhe në Kosovë i kanë përdorur në ndeshjen Basketbollistike e vlefshme për garat shtesë të Play - Off ndërmjet KB Peja dhe KB Trepça.

Image

Torcida

Kam respekt ndaj komunitet sportiv pejan kam edhe shumë shok sportistë e gazetar, ata nuk duhet lejuar dhe nuk duhet përkrahur ato gjeste sikur mbrëmë.

Nuk duhet lejuar që strukturat që nuk ja dojnë të mirën e përmes këtyre "pionierëve" te prishin imazhin e qyteti te Pejës.

Dikur i njohur me thënien: Pejë o Lule e Dukagjinit.

Dhe për fund e kam një porosi për ata: Mos harroni se emri Trepçë fakt që e ka domethënien shumë’AR. I ftoj të gjitha Fan klubet të marrin mësim nga tifozeria me e vjetër ‘Torcida””, thotë Imeri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat