Dramën në Pejë e fitojnë kampionet e Kosovës

Basketboll

Dramën në Pejë e fitojnë kampionet e Kosovës

Më: 6 dhjetor 2022 Në ora: 22:10
Bashkimi

Penza ka regjistruar fitoren e parë në këtë edicion të Ligës Unike, duke mundur Bashkimin me shifrat 77:76 (16:23, 14:13, 17:21, 30:19), në xhiron e tretë, ndërsa vashat prizrenase kanë tri humbje në tri ndeshje.

Takimi në fakt ka qenë shumë interesant me skuadrën prizrenase që kishte epërsi të lartë, por në fund u rikthyen vendaset dhe në një sfidë dramatike fituan 77:76, ndërsa aksionin e fundit nuk e shfrytëzuan mysafiret.

Prizrenaset ishin më të mira në çerekun e parë duke e fituar 16:23, kurse periudha e dytë ishte më e barabartë, ku skuadrat shkuan në pushim 30:36. Mysafiret për një nuancë ishin më të mira edhe në periodën e tretë, ku shifrat pas 30 minutash ishin 47:57.

Kampionet e Kosovës u rikthyen në dhjetë minutat e fundit, dhe në castet e fundit u zhvillua lojë shumë interesante, ku pejanet kaluan në epërsi 77:76 dhe aksionin e fundit nuk e shfrytëzuan prizrenaset, duke pësuar humbjen e tretë.

Te Penza më të mirat ishin Alexandra Beginisic me 23 pikë e dhjetë kërcime dhe Antoinette Thompson me 29 pikë, shtatë kërcime e gjashtë asistime, kurse te Bashkimi më e mira ishte Taliyah Hopkins me 33 pikë e tetë kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat