Superliga e Kosovës në basketboll i rikthehet aksionit sot me vetëm një ndeshje, e vlefshme kjo për xhiron e 10 të edicionit aktual.
Me fillim nga ora 19:00 palestra sportive “19 Qershori” në Suharekë do të jetë nikoqire e përballjes tejet interesante mes KB Yllit dhe KB Pejës, raporton KosovaPress.
Të dy klubet regjistruan fitore në ndeshjet e fundit të zhvilluara, ku Ylli e mposhti Trepçën me shifrat 86:67, kurse Peja shënoi fitore me rezultat 71:66 kundër Trepçës.
Momentalisht, Peja zë vendin e dytë në tabelë me 10 fitore dhe dy humbje në kuotën e 22 pikëve, krahas Yllit në vendin e pestë që ka shtatë fitore dhe katër humbje në kuotën e 18 pikëve.
Ndeshja e fundit e zhvilluar mes Yllit dhe Pejës daton në muajin shtator të vitit 2022, ku asokohe pejanët regjistruan fitore me shifrat 73:57.
19:00 KB Ylli – KB Peja (Palestra e sporteve 18 Qershori)
