Veteranët e Kosovës shkëlqejnë në Zare

Basketboll

Veteranët e Kosovës shkëlqejnë në Zare

Më: 26 mars 2026 Në ora: 11:40
Veteranët e Kosovës

Veteranët e Kosovës kanë zhvilluar një paraqitje shumë të mirë në turneun ndërkombëtar në Zare, duke dëshmuar nivel të lartë dhe konkurrencë serioze ndaj ekipeve pjesëmarrëse.

Në ditën e parë të garave, skuadra kosovare arriti dy fitore të rëndësishme.

Fillimisht mposhti ekipin vendas Centar (Zara) me rezultat bindës 59:35, ndërsa në ndeshjen e dytë triumfoi edhe ndaj ekipit Zagorje (Slloveni) me rezultat 48:38. Këto fitore siguruan kualifikimin në finale dhe rritën pritshmëritë për titull.

Në finalen e zhvilluar të shtunën, Veteranët e Kosovës u përballën sërish me ekipin vendas nga Zara.

Pas një ndeshjeje të fortë dhe të fortë deri në fund, skuadra kosovare u mposht me rezultat 49:40.

Edhe pse treguan lojë cilësore dhe rivalitet të madh, në momentet vendimtare vendasit u treguan më të përqendruar.

Pavarësisht humbjes në finale, paraqitja e Veteranëve të Kosovës konfirmoi se ata janë një ekip konkurrues dhe i denjë në turne të tilla ndërkombëtare, duke përfaqësuar me dinjitet basketbollin kosovar.

comment Për komente lëvizni më poshtë
Sot mund të lexoni Shfletoni kopertinat