Basketbollistet e Kosovës po vazhdojnë përgatitjet intensive për FIBA Women’s European Championship for Small Countries, që do të mbahet në Pejë nga 23 deri më 28 qershor.
Pas përgatitjeve në Obiliq, vajzat e Kosovës këtë javë do të stërviten në Pallatin e Rinisë dhe Sportit në Prishtinë, para se të zhvendosen në Pejë për fazën finale të përgatitjeve.
Atmosfera në kampin e Dardaneve është shumë pozitive.
Ndërsa basketbollistet po punojnë me përkushtim maksimal dhe janë të motivuara për të përfaqësuar Kosovën sa më denjësisht në këtë kampionat.
