Sot pritet të propozohen masat e reja të Qeverisë së Republikës së Kosovës me qëllim të mbrojtjes nga pandemia Covid-19.
Shumë aktivitet pritet të ndalohen, por sa i përket zhvillimit të aktiviteteve sportive, ato pritet të zhvillohen normalisht por duke i respektuar në përpikmëri mesat anti-Covid, përcjellë KosovaPress.
Pika e 35 e vendimit i cili përmban masat e reja të Qeverisë Kosovës thotë se aktivitete sportive me qëllime profesionale do të lejohen.
“Lejohen aktivitetet sportive vetëm për qëllime profesionale në hapësira të mbyllura dhe të hapura pa prezencë të publikut dhe të cilat duhet të realizohen në përputhje me protokollet vendore dhe ndërkombëtare sportive.”, thuhet në këtë pikë të vendimit të qeverisë.
