Presidenti i Barcelonës Joan Laporta raportohet se tashmë për 99 përqind është i sigurt për shkarkimin e Ronald Koeman pasi ai e ka përjetuar një sezon aspak stabil dhe ka dështuar për të fituar titullin e La Ligas në këtë edicion.
Barcelona shkoi në ndeshjen e së dielës kundër Celta Vigo në kërkim të rritjes së shanseve të tyre për të fituar La Ligan, por kjo nuk ndodhi, me gjigantët katalanas që pësuan një humbje zhgënjyese 2-1 në “Nou Camp”.
Sipas “RAC1” Laporta është tani i gatshëm ta shkarkojë teknikun holandez si pasojë e të gjitha këtyre dështimeve, përcjell KosovaPress.
Edhe nëse Barcelona nuk do të jetë në gjendje të caktojë një menaxher të nivelit të lartë, fati i holandezit është vulosur tashmë.
Pritet që Xavi Hernandez të jetë pasardhësi i tij, me spanjollin aktualisht në negociata me ish-klubin e tij për një kthim si trajner.