Kosova kërkon kthesën, trajneri Foda: Kemi analizuar pikat e dobëta të Qipros, jemi të fokusuar

Futboll

Kosova kërkon kthesën, trajneri Foda: Kemi analizuar pikat e dobëta të Qipros, jemi të fokusuar

Më: 8 shtator 2024 Në ora: 19:23
Franco Foda

Pas humbjes 0-3 në ndeshjen e parë kundër Rumanisë, tashmë Kosova është gati për të bërë kthesën ndaj Qipros në raundin e dytë të Nations League. Sfida që “Dardanët” do të luajnë në transfertë, do të zhvillohet ditën e hënë në mbrëmje. Në prag të kësaj sfide, ka folur dhe trajneri i Kosovës, Franco Foda.

“Pas ndeshjes së parë dhe humbjes bindëse 3:0 ndaj Rumanisë në shtëpi, kemi bërë një analizë të shkurtër të asaj përballjeje. Megjithatë, më pas jemi fokusuar në ndeshjen që do të zhvillojmë nesër kundër Qipros.

Kemi analizuar ndeshjet e fundit të Qipros, duke përfshirë edhe ndeshjen e fundit ndaj Lituanisë, të cilën e kanë fituar. Është një ekip i fortë, individualisht kanë disa futbollistë mjaft të mirë.

Sonte në mbrëmje do të shfaqim për futbollistët tanë analizën që e kemi përgatitur për lojën e Qipros, duke theksuar pikat e forta dhe të dobëta të tyre, dhe do të shohim se çfarë do të na sjellë ndeshja”, tha trajneri Foda.

commentFirst article
Sot mund të lexoni Shfletoni kopertinat