Ish-kreu i Ministrisë së Punëve të Brendshme të Serbisë për Kosovën, Sreten Lukić, i cili u dënua nga Tribunali i Hagës me 20 vjet burg, është transferuar përkohësisht nga vuajtja e dënimit nga Polonia në njësinë e paraburgimit të Hagës.
Lukiç u dënua për vrasje, persekutim, dëbim dhe veprime të tjera çnjerëzore si pjesë e krimeve kundër njerëzimit dhe shkeljeve të zakoneve të luftës.
Ai u transferua në Poloni në 2015 për të vuajtur dënimin e tij me burg.
Vendimi i Mekanizmit Ndërkombëtar për Gjykatat Penale (IMCC) thotë se Polonia më parë e informoi Mekanizmin se nuk mund të ekzekutojë dënimin e Lukiç përtej një dite të caktuar në Janar 2021.
Sipas ligjit në Poloni, dënimi maksimal për këtë lloj krimi është 15 vjet dhe meqenëse vendi në të cilin Lukiç do të vazhdojë të vuajë dënimin e mbetur nuk është përcaktuar ende, ai do të presë një vendim në njësinë e paraburgimit të KB.
