Presidentja Vjosa Osmani shpreh ngushëllime për ndarjen nga jeta të kompozitorit Fahri Beqiri

Lajme

Presidentja Vjosa Osmani shpreh ngushëllime për ndarjen nga jeta të kompozitorit Fahri Beqiri

Më: 18 maj 2021 Në ora: 15:05
Fahri Beqiri

Presidentja Vjosa Osmani i ka shprehur ngushëllime familjes dhe komunitetit kulturor për ndarjen nga jeta të profesorit e kompozitorit Fahri Beqiri.

“Kompozitori brilant që ndërlidhi klasikën me muzikën tonë popullore, profesor Fahri Beqiri, sot iku nga kjo botë. Ai la pas një sërë veprash korale, të cilat do të mbeten referencë për brezat, porse do të mbahet mend edhe për punën e tij akademike, sikurse edhe në disa institucione të tjera në të cilat shkëlqeu me punën dhe angazhimin e tij”, thuhet të mesazhin e Presidentes Osmani.

Ajo ka theksuar se shuarja e profesor Beqirit është humbje e madhe për të gjithë e posaçërisht për komunitetin kulturor.

Për nder të jetës dhe veprës së kompozitorit Beqiri, në Teatrin Kombëtar të Kosovës, do të organizohet ceremonia përkujtimore për kompozitorin Fahri Beqiri.

Gjithashtu, personalitete nga jeta politike e kulturore e vendit tonë do të bëjnë homazhe para arkivolit të kompozitorit të ndjerë për të nderuar figurën e tij.

commentFirst article
Sot mund të lexoni Shfletoni kopertinat