Në Ministrinë e Mbrojtjes, zv.komandanti i FSK-së, gjeneralmajor Enver Cikaqi priti në takim lamtumirës këshilltarin amerikan të NALT-it, kolonel John Watson, me rastin e përfundimit të misionit të tij.
Me motivacion për ndihmën e jashtëzakonshme dhe vetëmohuese gjatë misionit të tij, Gjeneral Cikaqi, e dekoroi kolonelin Watson me medaljen për „Shërbim Vetëmohues“.
Me këtë rast, gjeneral Cikaqi theksoi se profesionalizmi i lartë, eksperienca në lidership ushtarak dhe përkushtimi i kolonelit Watson kanë qenë shumë të rëndësishme në zhvillimin e FSK-së.
Nga ana e tij, kolonel Watson falënderoi Gjeneral Cikaqin për vlerësimin dhe shprehu admirimin e tij për të arriturat e deritashme të Ministrisë së Mbrojtjes dhe FSK-së, si dhe për mikpritjen dhe bashkëpunimin gjatë shërbimit të tij. Kolonel Watson si këshilltar i lartë për Plane dhe Strategji në NALT , do të pasohet nga majorja amerikane, Jennifer Stevenson.
