Vulini i tmerruar, tash kërcënon edhe BE-në: Heshtni, mësoni një herë e përgjithmonë se nuk i ndaloni serbët

Lajme

Vulini i tmerruar, tash kërcënon edhe BE-në: Heshtni, mësoni një herë e përgjithmonë se nuk i ndaloni serbët

Nga: N.Sh Më: 25 shtator 2021 Në ora: 15:36
Aleksandër Vulin

Sot, Ministri i Brendshëm i Serbisë, Aleksandër Vulin, vlerësoi se kryeministri i Kosovës, Albin Kurti edhe një herë zbuloi atë që të gjithë e dinë, se shqiptarët po bëjnë një “Shqipëri Natyrale” dhe se shqiptrët nuk janë të interesuar për atë që të tjerët mendojnë për të, raportojnë mediat serbe, transmeton gazeta “Bota sot”.

"Ashtu siç e bënë ushtrinë e Kosovës, për të cilën ata nuk kanë të drejtë sipas Rezolutës 1244. Kur Kurti shpall një referendum për bashkimin e Kosovës dhe Shqipërisë, Bashkimi Evropian hesht, NATO nuk shpall veten, dhe KUINT-i është i painformuar”, tha Vulin.

Vulin shton se kur serbët thonë se do të bashkohen politikisht përmes "botës serbe", atëherë të gjithë njoftojnë dhe kërkojnë që çdo ide e bashkimit të serbëve të ndalohet dhe ndëshkohet, dhe bartësit e idesë së grumbullimit të serbëve përjashtohen nga jeta politike dhe vendosen nën sanksione.

"Ata që heshtin për “Shqipërinë Natyrale”, le të heshtin edhe kur serbët marrin vendime për çështjet më të rëndësishme kombëtare së bashku dhe le të mësojnë një herë e përgjithmonë se ata nuk do të jenë në gjendje t'i ndalojnë serbët nga gjithçka”, potencon Vulini.

comment Për komente lëvizni më poshtë
Sot mund të lexoni Shfletoni kopertinat