Ata na tregojnë forcën? Aleksandar Vuçiç kërcënon me luftë: Ta provojë Kosova dhe do ta shohin

Lajme

Ata na tregojnë forcën? Aleksandar Vuçiç kërcënon me luftë: Ta provojë Kosova dhe do ta shohin

Më: 14 tetor 2021 Në ora: 17:51
Aleksandar Vuçiç

Presidenti i Serbisë, Aleksandar Vuçiç ka folur edhe një herë rreth aksionit të Policisë së Kosovës ditën e djeshmë në disa komuna të Kosovës, përfshirë edhe Mitrovicën veriore.

Policia e Kosovës është përballur me pengesa nga protestuesit serbë në Mitrovicën veriore dhe Zveçan, ku janë përdorur mjete të ndryshme për të sulmuar automjetet dhe zyrtarët policorë.

Nga ana tjetër, Vuçiç ka deklaruar se këto aksione po bëhen qëllimshëm nga Kosova "për të treguar forcën". Ai ka thënë se Serbia do të mbrojë popullin e vet, duke shtuar se janë të gatshëm për ‘luftë’.

”Kjo është hera e shtatë apo e tetë që e bëjnë për të treguar forcën. Gjithçka që mendojnë se mund t’ua bëjnë serbëve, le ta bëjnë dhe pastaj do të shohin se si do të jetë reagimi jonë. Dorëzimi nuk është opsion dhe e jona është të luftojmë. Do të mbrojmë popullin tonë, Si? Uroj të mos vijë puna ta shihni se si”, ka deklaruar presidenti serb Aleksandar Vuçiç.

Sot mund të lexoni Shfletoni kopertinat