Britania emëroi një emisar për Ballkanin, ky është reagimi i Drecunit: Do të na krijojë probleme

Lajme

Britania emëroi një emisar për Ballkanin, ky është reagimi i Drecunit: Do të na krijojë probleme

Më: 3 dhjetor 2021 Në ora: 17:14
Milovan Dreçun

Zyrtari i partisë së presidentit Vuçiq, Milovan Dreçun është shprehur i shqetësuar për emërimin e fundit të Emisarit Special të Britanisë së Madhe për Ballkanin Perëndimor.

Dreçun ka thënë se emërimi i ushtarakut Stuart Peach do të shkaktojë dëme për interesat e Serbisë.

“Mendoj se ai do të jetë koordinator dhe krijues i shumë aktiviteteve hibride që do të shkaktojnë dëme për interesat e Serbisë, popullit serb dhe Republikës Serbe”, tha ai për Tanjug.

Kryetari i Komisionit Parlamentar për Kosovën, Milovan Dreçun tha se Britani po dëshiron ta dobësojë pozicionin e Serbisë në negociata me Kosovën.

“Duke emëruar Shefin e Forcave Ajrore të Britanisë së Madhe, Stuart Peach, si Emisar Special për Ballkanin Perëndimor, Britania dëshiron të ndikojë në proceset e brendshme të Serbisë dhe ta dobësojë pozicionin tonë ndërkombëtar dhe në negociata me Prishtinën”, ka thënë ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat