Lladrovci ka dy fjalë për të dashurën ruse të Don Xhonit

Lajme

Lladrovci ka dy fjalë për të dashurën ruse të Don Xhonit

Më: 6 janar 2022 Në ora: 10:11
Ramiz Lladrovci dhe Don Xhoni

Kryetari i Komunës së Drenasit, Ramiz Lladrovci, njihet si një ndër personazhet politike më “atraktive” të mediave, pasi që jo rrallë herë deklaratat e tij në formë humori kanë nxitur reagime ndaj tij.

Por, me ose pa humor Lladrovci njihet si një ndër kryetarët e komunave i cili ka realizuar shumicën e premtimeve të cilat i ka dhënë gjatë fushatës.

Në një intervistë ai ka diskutuar për hobin e tij, politiken gjithashtu edhe për preferencat e tjera.

Ndërkaq i pyetur për mendimin që ai ka për Don Xhonin dhe lidhjen e tij me modelen ruse ai ka thënë se ajo nuk e bën më të mirë, as më të keq Xhonin.

“Miku im Don Xhoni është personalitet i fuqishëm, talent i jashtëzakonshëm nga Drenasi, atdhetar i paepur, me guxim dhe me shije, djalë që na bën krenar të gjithëve. Sa e di, manekinia është shtetase ruse por me origjinë koreane. Ajo as e bën më të mirë, as më të keq kur dihet se Don Xhoni është artist me intuitë të shkëlqyer dhe i pathyeshëm”, është përgjigjur ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat